मित्रयादीतील आणि हे वाचणाऱ्या सर्व प्रजननक्षम वयातील महिलांना हात जोडून नम्र विनंती. इथे तुम्ही मी तुमच्या पुढ्यात साष्टांग नमस्कार घालून विनंती करतो आहे अशी कल्पना केलीत तरी चालेल.
मातृत्व ही स्त्रीला परमेश्वराने दिलेली अमूल्य अशी देणगी आहे. एका जीवाला जवळपास नऊ महिने उदरात हळूहळू वाढताना अनुभवणे ही गोष्ट आम्हां पुरुषांच्या नशिबात नाही. गर्भसंस्कार या गोष्टीवर विश्वास असेल तर तुम्ही नऊ महिन्यांत काय अचाट कार्य करणार आहात त्याची कल्पना करा.
इतकं पाल्हाळ लावणं आवश्यक होतं, आता पोस्टच्या मूळ मुद्द्यांकडे येतो.
(१) एखादं सत्कार्य म्हटलं की ज्याप्रमाणे ते सफल होण्यासाठी कुटुंबीय, नातलग, आणि हितचिंतक यथाशक्ती, यथामती सहाय्य करतात, त्याचप्रमाणे एखादी चांगली गोष्ट आपल्या आयुष्यात घडते आहे याची असूया बाळगणारेही अस्तित्वात असतात, ते येनकेनप्रकारेण नकारात्मक भावना प्रक्षेपित करत असतात.
(२) इतर अनेक बाबींसारखी गरोदर असणे ही बाब अत्यंत खाजगी असते. तुम्हाला झालेला कुठलाही आनंद हा सगळ्यांना कळवायची इच्छा समाजमाध्यमांच्या म्हणजे सोशल मिडीयाच्या काळात होणे स्वाभाविक आहे, तरीही काही इच्छांना मुरड घालावी अशी माझं तरी प्रामाणिक मत आहे.
(३) आम्हाला नाही बघायचे असले फोटो, तुम्ही गरोदर आहात आणि मूल जन्माला घालणार आहात याबद्दल निश्चितच आनंद आहे, पण नका दाखवू वाढलेलं पोट. मातृत्व सुंदर आहे, पण पोट दाखवत फिरणं विचित्र दिसतं. इनबॉक्समध्ये फक्त "जेवलीस का?" हा प्रश्न आला की फणकाऱ्याने सात्विक संताप दाखवता ना, मग आख्खी दुनिया आपल्या पोटाकडे कशा नजरेने बघत असेल याचा तरी विचार करा. हल्लीचा काळ हा "खाजगी है तो सेफ है" असा आहे.
मातृत्व सुंदर आहे… पण काही क्षण खाजगी ठेवलेलेच अधिक सुरक्षित.
फुकटचे सल्ले:
(१) आणखी थोडं स्पष्ट बोलायचं तर मूल झाल्यानंतरही किमान तीन महिने याची वाच्यता कुठेही करूच नये, अर्थात कार्यालयीन नियमांचे पालन करावं लागतं त्या औपचारिकता पूर्ण करायला लागतात त्या गोष्टींव्यतिरिक्त.
(२) लहान मुलांचे फोटो तर कुठेही टाकू नये, अजिबातच. (हे मी घरीही सांगत आलोय.)
या अनुषंगाने नुसते स्वतःचे तरी फोटो टाकावेत का, किती टाकावेत, इत्यादी अनेक विषय मांडता येतील, पण पोस्टचा विषय फक्त बेबी बम्प दाखवणारे फोटो न टाकण्याबद्दल आहे.
अतिशय पोटतिडकीने लिहीतो आहे, कुणी अशा पोस्ट टाकल्या असतील तर राग न मानता क्षमा करावी आणि जमल्यास पोस्ट उडवाव्या अशी वरीलप्रमाणे नमस्कार घालून विनंती.
काय आहे, की एकदा बघितलेली गोष्ट Unsee करता येत नाही. त्यामुळे, "तुम्हाला काय करायचंय, नसेल आवडत तर स्क्रोल करा!" अशी टिप्पणी करायचा मोह झाल्यास माझाही तुम्हाला तोच सल्ला असेल.
इतकं वाचल्याबद्दल अभिनंदन. जय श्रीराम 🙏🏻
🖊️ मंदार दिलीप जोशी
फाल्गुन शु. ७, शके १९४७
I read the novel Gone With The Wind based on American civil war many years ago, and in those days in America, pregnant women didnt go out in public. In the society portrayed in Gone with the Wind, pregnancy was treated as a private condition. Respectable women were expected to remain at home once their pregnancy became visible and withdraw from public social life until after childbirth.
ReplyDeleteAnd now we are following exactly opposite route. I think women should not post photos even of their newborn child.
I agree
Delete